Mera darpan

Date:30/10/21

Darpan bhi ek paheli hai

Apne aap me ek saheli bhi

Jab doosron me humsafar dhoondha

To kabhi zyada kabhi kam paya

Par mujhe samta ka ehsaas to Iss darpan ne dikhaya

Mai jaisa bhi hun,

Bina bole, har baar mujhe sach bataya

Mujhe apne har laparwahi pe afsos, 

Mere khushi me hothon pe muskan

Aur har gam me roothe nainon pe majboor kar diya

Kya itna kam tha?

Roz tere samne mai kise dhoondhta hun? 

Apne har guzarte hue Waqt ko kyun tatolta hun? 

Tujhme apne kamiyon ko dhoondhta hun

Phir bhi tum mere har chhalawe ko nakam karte ho

Tumse haar kar Phir milne ka mann nhi karta

Par meri khushi me tumse mile bina safar shuru nhi hota

Tu mere ghar ki shobha nhi, tu har us jagah hai jahan mera wajood

Ek darpan to kaanch ke tukdon se bana tha, 

Ek Tu Hai jo meri koshishon ki manzilon ko jod ke bani. 

Itni baar mile, par tujhse poochha nhi

Tumhari bhi koi khwaish hai? 

Aashiyan mera itna bada nhi par safalta ka chhota sa chhat hai. 

Ek paidan, jispe mere aham ko chhod kar 

Mai tumhara intezaar karunga. 

Date 29/10/21 after watching soul movie